Chanda mama

The brightest and biggest full moon of 2010 was visible at its best around 8 pm on Jan 30.
It is said to be around 15% bigger and 30% brighter as compared to other full moons because it's at its closest to the Earth.

Chaand aaya hein aaj aapke dastak par
Uska swaagat karne jaiye aap bahar
Woh aapki raah dekte kanhi thak na jaye
Kanhi woh aapse rootkar suraj ki kirano mein chup najaye!!

I did witness the Full moon yday, and found a bright ring around the moon :-)
Hope you all got a chance to witness the same!!

Kolkata!!

I had been to Kolkata last week for a friend's wedding and trip.Rest of the details as below:

Start of Journey:
Lagta tha jo kal tak ek Sapna sa

Woh haqiqat banke aaya Kolkata

Dost ki shaadi ka bahana liye

3 idiots Kolkata ghumne chalein

Train me ho gayi padosi se takraar

Jiske wajah se bada unke sang aur bhi pyaar

Chai pe chai, naashte pe naashta

yunhi khelte khelte kat gaya train ka raasta

Day 1:
Kolkata ki tandi pavan ne chooma humko

Hum bhi tayyar hoke nikle use choomne ko

Woh Flurry's ke sandwiches they la jawaab

Par unke daamone bada diya humara hisaab

Victoria Hall mein dekha Queen Victoria ko

Science City mein dekhe anohke ajoobe ko

Phir yaad aaya ki shamil hona tha humko shaadi mein

Turant pahunch gaye hum dosti ki barbaadi mein ;-)

Day 2:
Sooraj ki kiran ne neend udayi humari

Naashte mein naseeb hui aloo aur poori

Local bus ke sahare pahunche Dakshineswar

Ferry ride se gaye hum Belur Math par

Phool dekhe humne kanhi rang aur aakar ke

Mandir mein aashirwad liya kaali maa ke

Dumdum se train mein jhulte hue pahunche Barrackpore

Tandi hawa mein titurte hue pahunche hum ghar

Day 3:
Kaali maa ka aashirwad lene gaye Kaalighat

Wanha se shopping ke liye nikle gariyahat

Bengali taat, Banarasi silk, Kurta aur Shall khareede humne

Isi Beech chue daud ne lag gaye humare pet mein

Tram aur taxi se pahunche Parkstreet mein

Peter's cat mein sizzling sizzlers khaaye humne

Howrah bridge ki sair ki humne do baar

Maidaan ke chakkar kaate humne Goda gadi pe savaar

Metro ki tez raftaar se pahunche Reception mein

Naye jode ko badhai dekhar photo kichvali humne

Day 4:
Woh akhri din tha Kolkata mein

Ghar pe hi rukkar waqt bitaya humne

Sab ke sang ki humne mauj masti

UNO ke skip aur draw two ne udadi sabki susti

Aagayi thi gadi Kolkata ko alvida kehne ki

Rosgulla aur Sondesh se mithi rahegi yaadein is safar ki

Vote of Thanks:

Thanks to my friend for getting married in Kolkata

Thanks to my parents for letting me go

Thanks to my frenz who accompanied me and made it a memorable Trip

Thanks to my manager for approving my leaves :)

Sooraj chanda ka khel!

Sooraj chanda jab khelte chuppa chuppi
Duniyawalo ki nazar inse nahi hatathi
Kabhie Sooraj sharmata, to kabhie chaand nakre dikhlata
Ye hein ek anokha khel jo sabko apne isharo pe nachata

Naye Rang!!

Naya saal laaya hein naye rang
Kanhi gulabi, to kanhi chamakta golden
Rang biranaga shuru hua hein yeh naya saal
ye sab tha humare ghar ke re-painting ka kamaal

This new year was very colorful, we finally could plan the Re-painting work in last week of December:)
Dad had given me the responsibility of choosing the color shades for home.
I had a tough time to pick the colors as Asian paints have so many shades, it is even hard to make out the difference between two shades:-D
Though, it was a very colorful , enjoyable and very very tiring experience :-)

hApPy nEw yEaR 2010!!

2009 keh gaya humse alvida
Kuch pal beete pyaar bhare,
To kuch lamhe reh gaye adhure
Koi rishta aur bhi hua gehra
To koi rishto ne muh mod liya
Hume Hazaar bahane mile muskuraane ke liye
To kabhie aansu bhi kam pade ghum chupane ke liye
Haste Haste aur kabhie rote beet gaya ek aur saal
Kaamna karte hein ki yunhi masti bhara ho naya saal

Happy New Year!!!
Hope I write many more posts and you keep commenting on them :)